Snæfoksstaðir í Grímsnesi
- Opinn skógur frá 2004
- Í umsjá Skógræktarfélags Árnesinga
Um skóginn
Opinn skógur við Kolgrafarhól á Snæfoksstöðum. Á Kolgrafarhóli er útsýnisskífa. Jörðin er 749 ha og þar vex nú upp skógur á hundruðum hektara; hæstu lundirnir eru í Skógarhlíð á bökkum Hvítár.
Saga og skógrækt
Skógræktarfélag Árnesinga keypti jörðina árið 1954 og fyrst var gróðursett sumarið 1956. Frá 1958 unnu börn og unglingar frá Selfossi við gróðursetningu í tólf ár og þá var skógurinn við Kolgrafarhól gróðursettur.
Aðkoma
Tenging er frá Biskupstungnabraut að hringtorgi í skógarjaðrinum, þar sem eru góð bifreiðastæði.
Aðstaða
- Göngustígar
- Útsýnisskífa
- Bekkir og borð
- Bílastæði
Mikilvægt er að gönguleiðum sé fylgt og viðkvæmum gróðri hlíft.