Stafafura
Eitt algengasta jólatréð sem ræktað er hérlendis. Ilmar vel, fallega grænt með langar, uppsveigðar nálar og sérlega barrheldin — svo vel að hengja má létt skraut á nálarnar sjálfar.
Jólatré úr íslenskum skógi
Ræktun jólatrjáa er mikilvæg tekjulind skógræktarfélaganna og trén eiga það öll sameiginlegt að vera umhverfisvænn kostur. Veljum íslenskt og verslum í heimabyggð!
Jólaskógurinn í Brynjudal
Skógræktarfélag Íslands hefur frá því um 1990 stundað jólatrjáarækt í Brynjudal í Hvalfirði og tekur á móti skipulögðum hópum allar helgar fyrir jól í desember. Mörgum finnst heimsókn í skóginn ómissandi þáttur í jólahaldinu. Athugið að bókaður tími er áætlaður komutími í Brynjudal og mikilvægt að hver hópur komi saman á umsömdum tíma.
Bóka hóp
Mamma segir
Nauðsynlegt er að koma vel búinn til útivistar og skógargöngu á kaldasta tíma ársins.
- Ullarnærföt innst klæða og hlýtt millilag
- Góður skjólfatnaður — forðist föt sem eru að miklu leyti úr bómull
- Góðir gönguskór og hlýir ullarsokkar
- Húfa og vettlingar
- Sög — og merkimiði á tréð ef komið er á rútu
Athugið að trén virðast stækka þegar heim er komið!
Hvaða tré á að velja?
Íslensku jólatrén eru fjölbreytt og falleg. Stafafura er nú komin í fyrsta sætið og rauðgreni í annað; saman eru fimm algengustu tegundirnar með rúmlega 96% markaðarins.
Rauðgreni
Í hugum margra hið eina sanna jólatré: fíngert, ilmandi og ljósgrænt. Viðkvæmt fyrir þurrki en heldur barrinu vel ef aldrei þornar í jólatrésfætinum.
Sitkagreni
Ein algengasta tegundin í íslenskri skógrækt. Djúpgrænt og getur verið mjög þéttvaxið. Stingur nokkuð og þarf góða vökvun.
Blágreni
Hægvaxta og með þétta, jafna krónu, oft nokkuð mjóa. Ágætlega barrheldið með blágrænan eða dökkgrænan lit.
Fjallaþinur
Sérlega barrheldinn og ilmar mjög vel. Mjúkar nálar sem stinga nær ekkert; jöfn og þétt króna.
Jólaskógar skógræktarfélaganna
Upplýsingar frá síðustu aðventu. Nýjar dagsetningar eru settar inn jafnóðum og þær berast frá félögunum.
| Félag | Hvar | Hvenær (aðventa 2025) |
|---|---|---|
| Akraness | Jólaskógur í Slögu | Sunnudagur 14. des. kl. 12–15 |
| A-Húnvetninga | Jólatrjáasala í Gunnfríðarstaðaskógi | Sunnudagur 14. des. kl. 11–15 |
| Árnesinga | Jólatrjáasala að Snæfoksstöðum | Þrjár síðustu helgar fyrir jól og 22.–23. des., kl. 11–16 |
| Djúpavogs | Jólaskógur í Búrfellslundi í Hálsaskógi | Sunnudagur 7. des. kl. 13–14 |
| Eyfirðinga | Jólaskógur í Laugalandsskógi og sala í Kjarnaskógi | Laugaland 13.–14. og 20.–21. des. kl. 11–15; Kjarnaskógur kl. 10–18 frá 5. des. |
| Eyrarsveitar | Jólatrjáasala | Eftir samkomulagi |
| Garðabæjar | Jólaskógur í Smalaholti | Laugardagur 13. des. kl. 11:30–15 |
| Hafnarfjarðar | Jólatrjáa- og skreytingasala í Þöll við Kaldárselsveg | 29.–30. nóv. kl. 11–17 og alla daga í desember til jóla kl. 10–18 |
| Ísafjarðar | Jólaskógur | Sunnudagur 14. des. kl. 13–15 |
| Mosfellsbæjar | Jólatrjáasala í Hamrahlíð við Vesturlandsveg | Helgar frá 6. des. kl. 10–16; virka daga frá 15. des. kl. 12–17 |
| Rangæinga | Jólaskógur í Bolholti | Sunnudagur 14. des. kl. 12–15 |
| Reyðarfjarðar | Jólaskógur | Laugardagur 13. des. kl. 11–13 |
| Reykjavíkur | Jólamarkaðurinn á Elliðavatni og jólaskógur á Hólmsheiði | Elliðavatn allar aðventuhelgar kl. 12–17; Hólmsheiði síðustu þrjár aðventuhelgar kl. 11–16 |
| Skilmannahrepps | Jólatrjáasala í Álfholtsskógi | Helgin 13.–14. des. og laugardagur 20. des. kl. 12–15:30 |
| Stykkishólms | Jólatrjáasala í Sauraskógi | Laugardagar 13. og 20. des. kl. 12–15 |
| Fossá (Kópavogur, Mosfellsbær, Kjalarnes, Kjós) | Jólatrjáasala á Fossá í Hvalfirði | Helgarnar 6.–7. og 13.–14. des. kl. 11–15 |
Íslensk jólatré má einnig finna hjá almennum söluaðilum jólatrjáa. Einstaka skógarbændur selja jólatré sem og Land og skógur. Nordmannsþinur er innfluttur!
Finna skógræktarfélag í heimabyggð