Um félagið

Meginmarkmið félagsins samkvæmt lögum þess er að vinna að framgangi skóg- og trjáræktar í landinu, að endurheimta gróðurlendi og klæða landið skógi. Félagið er málsvari skógræktarfélaganna, gætir hagsmuna þeirra og kemur fram fyrir þeirra hönd þegar þörf krefur.

Í gegnum tíðina hefur útgáfa og fræðsla til almennings skipað stóran sess í starfseminni, en einnig hefur félagið komið að margvíslegum verkefnum tengdum skógrækt, eitt og sér eða í samstarfi við aðra. Meðal þeirra má nefna Aldamótaskóga árið 2000, þar sem gróðursett var ein planta fyrir hvern Íslending, Vinaskóg á Þingvöllum og leiðbeiningarnar Skógrækt í sátt við umhverfið.

Áfangar

• 1930Stofnað á Þingvöllum. Skógræktarfélag Íslands stofnað 27. júní 1930 á Alþingishátíðinni.
• 1944Landgræðslusjóður. Stofnaður við lýðveldisstofnun að forgöngu félagsins, til að klæða landið skógi.
• 1949Fyrsta skiptiferðin. Íslenskt skógræktarfólk fór til Noregs og norskur hópur kom hingað. Sú síðasta var farin 2000.
• 1967Askurinn á Mógilsá. Haraldur krónprins gróðursetti ask við vígslu Rannsóknastöðvar skógræktar á Mógilsá.
• 1990Landgræðsluskógar. Skógræktarfélögin gróðursetja 300 þúsund til 1 milljón plantna árlega. Vinaskógur stofnaður sama ár.
• 1992Yrkja og Laufblaðið. Yrkjusjóður stofnaður og fréttablaðið Laufblaðið hóf göngu sína.
• 2002Fyrsti Opni skógurinn. Daníelslundur í Borgarfirði opnaður almenningi. Svæðin eru nú sautján.
• 2026Komin á Mógilsá. Skrifstofa félagsins flutti á Mógilsá og askurinn þar varð Tré ársins.