Útgáfa og fræðsla
Samkvæmt lögum félagsins er eitt af meginmarkmiðum þess að veita fræðslu um skóg- og trjárækt og gildi þess fyrir þjóðfélagið, enda er þekking grundvallaratriði þess að ná góðum árangri í skógrækt.
Skógræktarritið
Skógræktarritið (áður Ársrit Skógræktarfélags Íslands) er eina tímaritið um skógrækt á Íslandi. Þar er fjallað um tiltekna skóga, staði og trjátegundir, ræktun og ræktunarskilyrði, skipulag skógræktar, rannsóknir, ferðasögur, viðtöl og margt fleira — bæði fyrir fagmanninn og áhugamanninn í sumarbústaðnum eða heimilisgarðinum.
Gerast áskrifandi
Áskrifendur styrkja skógrækt og gera það kleift að halda úti vönduðu riti. Nýir áskrifendur fá tvö hefti að gjöf!
Laufblaðið
Fréttablað Skógræktarfélags Íslands, sent félögum í skógræktarfélögunum. Það hóf göngu sína árið 1992 og hefur komið samfellt út síðan — í upphafi prentað í tveimur litum en nú „í öllum litum flórunnar“. Frá 2011 er því dreift rafrænt.
Frækornið
Lítill fjórblöðungur um afmarkaða þætti skógræktar: einstakar trjátegundir, ræktun við tiltekin skilyrði, plágur, jólatré, fræsöfnun og margt fleira. Hakaðu við þau sem þú vilt panta.
Tækifæriskort
Kortin eru auð að innan og nýtast sem jólakort, afmæliskort, boðskort eða hvað sem fólki dettur í hug. Seld tíu saman í búnti með umslögum á 3.000 kr.
Fræðsluferðir
Félagið hefur um áratugaskeið staðið fyrir fræðsluferðum til annarra landa. Fyrstu áratugina voru það skiptiferðir til Noregs (1949–2000), en síðan almennar kynnisferðir um skóga, náttúru, sögu og menningu, oft á fáfarnari slóðir.
Skógræktarferð ársins 2026 er til Noregs.
- 2026Noregur
- 2025Svíþjóð
- 2024Frakkland
- 2023Króatía
- 2022Marokkó
- 2019Ítalía
- 2018Spánn
- 2017Breska-Kólumbía
- 2016Frakkland
- 2015Pólland
- 2014Noregur
- 2013Colorado
- 2012Þýskaland
- 2011Skotland
- 2010Færeyjar
- 2009Noregur
- 2008Kamtsjatka
- 2007Sviss
- 2006Arkhangelsk
- 2005Nýfundnaland
- 2003Írland
- 2002Finnland
- 2001Alaska
- 2000Noregur
- 1999Austurríki
- 1997Skotland
- 1992Danmörk
Hvernig fæ ég tré úr köngli?
- Bíddu þar til köngullinn opnast — þá eru fræin tilbúin.
- Settu fræin í lítið pappírsumslag og geymdu í ísskáp fram í byrjun maí.
- Settu góða mold í lítið ílát með götum í botninum, nokkur fræ í hvert og sáldraðu léttri mold yfir.
- Láttu ílátið standa í vatnsskál í 5–10 mínútur svo moldin sjúgi vatn neðan frá.
- Settu plastpoka yfir og láttu standa í glugga — þó ekki suðurglugga. Loftaðu einu sinni á dag og haltu moldinni rakri.
- Fræið fer að spíra á 2–4 vikum. Þegar plantan lætur sjá sig má fjarlægja pokann.
Svo er bara að fikta, prófa og læra — og taka þátt í starfi skógræktarfélaganna!
Skógræktarnámskeið fyrir byrjendur
Fjórir hlutar á YouTube-rás félagsins: skógarplöntur, ytri áhrif og plöntuval, undirbúningur, framkvæmd og skráning.
Horfa á YouTube