Fyrsta tölublað Skógræktarritsins 2026 er nú komið út. Að þessu sinni má í ritinu meðal annars finna umfjöllun um 80 ára sögu Skógræktarfélags Hafnarfjarðar, notkun skógræktaraðila og yfirvalda á nýjum staðli um sjálfbæra skógrækt, skóga í vesturhluta Bandaríkjanna, gróðurelda, skógræktarferð til Svíþjóðar og ljóð um íslenskan skóg.
Skógræktarritið kemur út tvisvar á ári og er selt í áskrift og í lausasölu. Hægt er að gerast áskrifandi með því að hafa samband á skog@skog.is. Í boði er bæði hefðbundin áskrift og rafræn.